【π の心語】 My Weblog is born!
Read my profile

雜感篇@20040709 ?y????S??z 總之有行ge o野﹐其他中文字就會無事﹗
[後記] 唉﹐我o係度打中文打得我好苦呀﹐呢篇o野都打o左好多鑊﹐係咪死蠢呢﹖仲hang埋機添﹐搞到連份原稿都無埋﹐因為無save到﹐愁爆﹐無計啦﹐要由頭吹過啦...上個禮拜想打o既內容大概如下﹕

首先﹐仲乜終於都開返個blog呢﹖其實小弟呢排都四圍講﹐我踏入o左第二個quarter-century之後﹐又企正面對人生o既轉捩點位﹐係會形住開始有o的中年危機o既問題﹐咁雖然成日諗好多o野﹐但都會o係下一刻蒸發o左好多o野﹐都唔係近年先有o既問題...Anyways﹐設立呢個blog o既目的﹐一o黎都挽留一下思路途中o既心語結晶﹐二o黎又想同大家有多o的一齊成長o既空間﹐所以大家當呢度係forum咁得o架啦﹐請多多指教﹗

咁動手整呢度有兩個導火線﹐其一係下個禮拜會同cCCF幾個b/s一齊o黎鑊一年睇一次聖經﹐係跟本書叫《每日與主同行》(我教會CLBC都做緊﹐but I was cheating﹐齋睇本書唔睇經文﹐今次o黎真o架啦﹐喂喂﹐係甘頂都唔好半途而廢呀﹐大家一齊做﹐可以keep keeping each other accountable, yeah!)

另外呢﹐上次去o左Vienna屋企﹐一邊監工睇佢o地做結婚佈置(我幾本上都無幫手)﹐一邊又無啦啦有機會嘆o左兩集《隔世追兇》﹐又無啦啦被極動o左情緒﹐懸兇係枝道地綠茶﹐好似毫無特別﹐但對我o黎講﹐佢使我想起一段友誼啦﹐而佢又代表住體諒﹑重視健康﹐兼有品味﹐up乜呢我﹐唔駛理我...

仲有好多o野想寫﹐但時間有限﹐都零零碎碎寫o的啦﹐well...

星期二晚去o左DP陪世傑同William溫Stat333﹐世傑拿o左我本戴德生﹐睇到不亦樂乎﹐又談及屬靈o既簡約主義(呢個名堂我作o既)﹐咁我又成機拿o左本NT Greek Linguistics睇o左成課﹐平時都已經無咁興致睇課外讀物lu﹐唉今晚土團契話講要做ISP﹐high school麼﹖好事o黎o既...

星期三晚﹐Dr. Andrew Wong o黎o左講Christian Scholarship﹐最印象深刻o既倒係佢一腔熱血同感染力﹐好令人鼓舞o既感覺﹗

平時﹐我都耐唔耐會發揮下我剩餘o既八卦本能﹐o係web度亂search o野﹐卻赫見我supervisor凳o左我上台﹐佢居然幫我畢業篇o野寫o左個draft﹐仲加埋我名﹐掟埋上arxiv.org添﹐滴哂汗﹗我隻字未寫﹐居然已經有供諸於世o既作品﹗

星期四靈修o個陣﹐睇到《以西結書》中講以色列民點樣勁拜偶像﹐觸動耶和華o既怒氣而要受罰﹐咁無熄到個speaker嘛(oops!)﹐睇睇下經﹐忽然聽到yumiko呢句﹕?你似偶像﹐不可愛上﹐只一眼便中槍﹔你會發亮﹐我但求逃避灼傷?嘩﹐capture o左拜偶像o既可怕﹗咁偶像係乜都得﹐總之係阻隔人同神關係o既o野﹐看來﹐我近排都無乜刻意逃避子彈﹐中哂槍啦﹐未身亡o者﹐陰功...

終於睇到《衝上雲霄》o個幕我以為會好感人﹐最後會發展到表面有happy ending﹐實質我會覺得好sad o個段關係﹐(都鍾意呢o的總之會令人回味o既劇情)﹐點知睇到劇中o既來龍去脈﹐諗真o的都唔make sense o既﹗o個種浪漫o既feel頓時爛o左﹐攪到有o的失落添﹐真係囉戲o黎做囉﹗

無啦﹐再係咁寫落去﹐仲有大把o野好寫﹐就此罷筆﹐臨走前﹐恭喜咁Andrew同Channie聽日結婚﹐真係好開心﹗

[後後記] 你o地都睇到個timestamp啦﹐唉﹐覺得自己好低能﹐做少少o野都做成世﹐咁至少今次都有試過落手去做囉﹗點解咁?士low?﹐因為...個blog真係上個禮拜五開o既﹐仲打o左以上咁上下咁大pek o野添﹐不過舞唔掂o的中文posting﹐而今個禮拜頭已經試驗成功﹐不過都係心力不繼啦﹐o的時間唔係好見洗﹐應該話我無好好駛o的時間﹐總之唔係唔o係部機面前﹐就係對住部機就想訓覺(打唔到個訓字添﹐my字庫sux!)﹐呢篇o野一o黎都打o左唔少次啦﹐二o黎好多其實一早打好o架啦﹐不過硬係爭少少﹐未submit就已經攔o左上床暴閉﹐訓覺姿勢又唔好﹐因為唔係正經訓﹐所以訓得都唔係幾refreshing﹐幾日都係咁﹐無陰功﹗