ＢＡＫ２ＳＫＵＬ ２００９０１０４

好難想像新年結果冇去倒數。。。好難想像今年第一日係畀咗佢哋（都好，一日隊咗）。。。卻知道每逢瞓身過後必有試探。。。夜麻麻本諗住有得去打邊邊，點知有人嘈嘈閉，結果。。。Ｃ＆Ｘ，好唔好意思，話哂時間係4700+，加上把口冇得忙，搞到成晚係咁搵周生。。。

星期六自己有啲唔生性，响啲唔鹹唔淡嘅時間先嚟搵嘢食。。。化悲情為食量，响上年都試過數十次。。。點知去到24hr間牛想發下癲，都撞唔啱時辰，結果响3/f嗰間食烏冬加飯，質量麻麻啦，不過量多，都叫做有返尐尐滿足嘅感覺。。。跟住响隔離買咗細佬隻碟，本來真係唔知概念碟係乜家科，不過聽完就明明地＠＠都冇乜好ＷＯＷ嘅感覺，不過都好過上次買吉嗰隻，聽完都覺得頗ＯＨＮＯ。。。今晚唱勁歌派卷，好多人感謝主，我响度諗，如果有粒大啲嘅，將福音歌曲打入主流市場，啲粉絲唔理乜，走去聽哂背哂啲歌，都唔錯丫。。。＠＠

今天料不到時間難過的難過，成七點先返屋企，但其實依然早過平時。。。明天何去何從，誰來告之

啱啱睇咗極品嘅心聲。。。唔好咁啦，自我定位唔係建基於別人嘅眼光，發洩完好老老實實反省下喇。。。中一都ｎ年前啦，我期待一個比昨日更老成更有質素嘅你～

６１９，神聽到了！衝擊是避不了，不過唔好轉牛角尖呀～你咁快搵到教會落腳喇，真係好！：］（。。。）

～～～

都仲係０１０４喎，寫下面算。。。

朝早好mun鐘數去到npac，「入哂場」，去咗副堂，其實差唔多啫，。。。各環節都好好，好耐冇如此enjoy過＂empowered...真的想繼續返！

之後，意料之內，尋晚先預言過，摸返去呀ll唔响度，結果造就咗我睇哂本ps(v)，同埋去咗睇伽俐略。。。雖然對好多人嚟講，畫面不乏賞心悅目嘅靚仔靚女，都應該有啲情節係估你唔到。。。不過作為一個帶點悲情嘅數學人，睇嚟份外嘅有感觸，人性寫得好細膩，而且情節好感人。。。喊就未得。。。不過呢種令人悸動係睇日本戲先會有，港產片通常都唔會有囉。。。福生。。。依然最愛佢隻koibito...

丿 ２００８１２２７

5:xx pm sat
好耐冇試過响呢個鐘數上網
有幾可

6:xx pm sat
唔係呀化。。。居然响呢個時候同我開呢啲玩笑

6:xx pm sat
咁嘅情調要繼續嘅話，我諗都仲可以有排咁去。。。
宜家淨係唔知會點收科。。。不過就算唔知，呢一刻我都覺得冇所謂＂
anyways... 2009 is coming!!! =]

8:xx pm sat
大滴汗。。。十分討厭處身陌生環境嘅感覺！
但係。。。

9:xx pm sat
成晚只得幾句同神有啲關係，但嗰幾句聲稱話係出自聖經嘅，我都唔知係點quote出嚟嘅＂
二弟個speech前半真係好正，好期待好期待聽埋後半截。。。可惜後面忽然好fake，爛哂～

9:xx pm sat
話哂都係座落金鐘地帶嘅酒店丫，間嘢啲嘢食好一般，而且好濟，不過啲服務就真係麻麻地（未至於欠佳嘅），或者應該話係唔夠家教。。。
我嗰枱明明係得十一個人加一個吉位，個侍應死都要分十二份，跟住猛質人要埋剩返嗰份，係咁問邊個賞個面要埋呢份。。。我响度諗。。。一係就係主人家覺得十一不祥，否則就係有人一廂情願嘅堅持。。。
結果，啱啱食到啲翅，成枱啲男士一人啱啱認投完一次，梗係冇人騷佢啦，佢問咗幾次要人賞面都no reply，仲話擺住响枱中間先，轉頭再問！＂跟住嗰味鮑片，仲係十二份。。。結果有兩個第十二份冇人要，先有人唔抵得，開口叫佢拎走。。。跟住居然冇再分十二份。。。

俾著係以前，我實有胃口食更埋佢架。。。不過，我始終都好介意當日仲俾人話我抵得諗，其實有時我唔係真係咁冇所謂咁不知所謂！最鄙視嗰啲鍾意濫用數學嘅人～要anti-arguments的話，其實我都有大把，不過再撻出嚟都冇意思

今日嘅決定（都唔係今日架啦），只係昔日嘅循環，未必係莫須有嘅，不過同樣係唔會有所交代囉。。。嗰日唔理人點講，鐵定係冇彎轉，今日呢？我再等多一兩個禮拜先算啦。。。我係對事唔係對人

不過，今年最大嘅改變可能係响愛情觀上。。。（啲又八卦又唔知情嘅同學，唔好諗埋一面。。。我啲多都冇談論過戀愛嘅事情。。。同埋，你哋最好唔好多口撩起我把火）

12:xx am sun
tomorrow... actually... just let me be alone...
日落了

ＳｏｒｒｏＷ ２００８１２２４

愛在記憶中找你

我對你　這一生　哪個可比
我與你　差一些　永遠一起
邂逅時間場地　似連場好戲
要自何頁說起

愛太重　深呼吸　欠缺空氣
愛太美　輕輕的　卻載不起
愛情來到時候　似明媚天氣
它走了　突然驟變雪落雨飛

＊如果可以恨你　全力痛恨你
連遇上亦要躲避
無非想（要）放下你　還是掛念你
誰又會及我傷悲
前事最怕有人提起
就算怎麼伸盡手臂
我們亦有一些距離

你太遠　該怎麼　說對不起
你太近　一轉身　卻已高飛
快樂也許太短　似場流星雨
一眨眼　就如幻愛怕又記起

Repeat ＊（＊）

我情愿我狠心憎你
我還在記憶中找你

愛不疚

收藏在眼眸　常徘徊左右　愛猜到沒有
愉快玩笑後　能全然退後　你開心就夠

這種感覺太親厚　講一千句也不夠
假使講了你聽到後　或會走
這種戀愛太罕有　不須真正擁有
成全　衷心祝福然後　就放手

放手　放開所有　彼此更自由
放手　其實我絕非愛得不夠
放手　豁出所有　還有這個好友
已經　已經足夠

遙遠是宇宙　靜靜在背後　去看守就夠

這種感覺太親厚　講一千句也不夠
即使一剎有過衝動　挽你手
這種戀愛太罕有　不須真正擁有
成全　多捨不得仍然　是放手

放手　放開所有　彼此更自由
放手　其實我絕非愛得不夠
放手　豁出所有　還有這個好友
已經　已經足夠

放手　我的牽掛　找不到盡頭
放手　期望你幸福甚麼都有
也許　愛很深厚　然而我早看得透
放手　至可擁有

補眠日 ２００８０９２４

黑格比來去快，威力十足，响英皇道仲可以開下遮，志在玩兜風，都擋唔到雨。。。轉入和富道後，根本都開唔到遮，淨係見到十幾個消防員，响度拆緊老人院個招牌落嚟。。。夜晚成晚睇住啲雨水勁力洗玻璃，同啲街燈係咁熬，奇想半夜忽然條燈柱飛入屋，有啲啲擔心要走火警＂

不過都算早瞓着，朝早六點半醒咗打開電視。。。嘩，有啲驚，點解乜波都冇嘅？！再擰下台，擰擰下見到英文台寫住８ＳＥ，心諗其他台唔雞乸咁大隻字宣佈停課，實俾人鬧。。。呢頭咁諗，嗰頭有綫居然打住３號波。。。即係點呀。。。我其實唔多想停課，但即係停唔停呢。。。ｄｅａｄ咗成分鐘先搞清楚，哦，全日制同上午校唔駛返學。。。implications: １。打工仔要同一時間撲返公司；２。做乜唔交待下午校啲點呀。。。啲小朋友嘅家長如何是好呢；３。打工仔就冇我咁好彩囉。。。

查實之後知道晨早已經有宣佈，都係啫，實有大把人烏ｓｉｒ２，晨早醒嚟先嚟睇電視，點鬼知啲電視台咁唔合作，協調得有點兒嫌太慢啫。。。睇返啲新聞，嘩，適逢潮漲，搞到好多地方遇水劫～雖然唔係唔知有風打，不過未必會預料到咁勁。。。人生有好多事情看似係失驚無神間發生，「這也是虛空，都是捕風」＂＂補眠補到成點鐘，好似荒漠中嘅甘泉！

見到東亞門口排哂長龍，雖然理性上知道政府唔會睇住咁大間銀行死，亦至多係俾其他財團ｄｅｂ咗，都唔會倒閉，不過如果有一日，針真係拮到肉，我究竟會點反應呢。。。人性到咗極限嘅時候會係點樣，呢一個，係一個謎～＂

尋晚，約團嚟訪問我。。。好開心呀。。。仲十分掛住陳記嘅人。。。（我都仲有「保持通話」架，哈哈）之前其實以為個訪問會係關於屬靈生命嘅分享，點知都唔多關事咁嘅＂問我近況呀，難忘嘅事呀，查實真係多不勝數＝］又俾人問點解。。。喂，唔知就唔該唔好亂唱啦，我真係無可奉告，ｏｋ？唔好亂諗嘢～

ｙｏ，呂中嘅同學摸到嚟喇。。。歡迎歡迎，招呼唔到！！入得嚟睇我嘅朋友，希望你哋都ａｄｄ返我啦。。。我收起咗我嘅ｓｕｂ　ｌｉｓｔ，我ａｄｄ完你哋，人哋都唔會咁易見到你個ｉｄ嘛。。。

ｐｓ＞　１）李寶寶中空寶之謎已經解開，哈，原來唔關我事。。。２）ｑｃ班同學冇咗日 sports day，真係可憐。。。 

別來無恙 ２００８０９１７

大家好嗎？我很好，不用擔心～多謝各位仲關心我嘅人！：）
我在呂中一切還好。。。都是神的恩典。。。

單班主任、中三數、中一腦。。。好多新嘗試！
希望我同啲學生夾得好啦。。。真的誠心所願。。。

之前，有好多好多回憶。。。
放榜。。。singcon/dance大家落力嘅付出同啲溫情片段。。。改mock改到上去xxx。。。响我前gj結婚度做伴郎，識咗好多新b/s，超級精彩節目豐富嘅一個禮拜，多謝大家款待：Ｐ。。。要數就仲有大把。。。

飛逝了，永遠深埋思憶中去。。。

嘩，突然多咗好多音樂人fd。。。紀諺～吉～仲有AC Step同turtle：）我啲細胞幾時先再躍動起嚟呢。。。

摷返 L7啲碟嚟聽（原來第三隻買咗都未聽過＠＠）有幾隻不嬲都好鍾意，但我倒被呢隻嘅信息吸引住。。。送俾大家。。。（啲詞）

《且慢。。。》
曲／詞：Grace Tin
編／奏：Level 7

為何時常話我不看顧你
或者你又有否時時去了解我的心意
你欠缺了和我溝通對話
又怎會能明白到　我的意念

為何時常話你沒空找我
或者你又有否時時去浪費你的空間
問如何明瞭我心思意念
但當你面對著我　只覺得冷淡

為何不反省　在你禱告內只懂得顧及人意思
忙忙碌碌　你沒有空安靜停下來聽聽我微小聲音

孩兒你知否　在這些歲月　我只期望你會
和我找溝通的語言
孩兒別憂心　花一點時間　細看我寫給你
在聖經裡的話語